ملی مصالحه عالی کېنگشی نینگ سهراب عظیمی و سنگرداشلری شهادتی حقیده تسلیت پیامی
سپیدار-کابل: نظامی کدرلردن بیری و ملی دفاع وزیرلیگی اېسکی سۉزلاوچیسی و اۉلکه ایزگو آتلی نظامیلریدن بیری حرمتلی جنرال ظاهر عظیمی فرزندی سهراب عظیمی و سنگرداشلری اۉتگن کون فارباب ولایتیده طالبان بیلن یوزمه-یوز اوروشده تأسف بیلن شهید بۉلگنینی اېشیتدیک.
سهراب عظیمی اۉز عالی اۉقووینی تورکیه و امریکاده بیتیرگن یاش افسر و اۉلکه ارضی بوتونلیگی و ناموسیدن دفاع اېتیش چاووشلریدن اېدی.
سهراب عظیمی و کوره‌شداشلری شهادتی بیریاندن همه نینگ چوقور تأسف و تأثری و باشقه بیریاندن افغانستان ییگیتلری نینگ یورتی و ملی و مردمی ارزشلریدن دفاع اېتیشده‌گی تعهد و اراده‌سینی کۉرسته‌دی.
تروریستلر و دهشتچی گروهلر، افغنستان اۉزیده بوتون کوچ بیلن اۉز یورتی هربیر قریچی و مردمی نینگ جانی و مالینی سقله‌یدیگن قهرمانلر و باتور اېرککلرنی جای بیرگنلیگینی بیلیشلری کېره‌ک، و شوم و بوزغیر هدفلریگه اېریشیش اوچون مردم امنیتی و تیچلیگی یاولریگه سیره اجازه بېرمه‌یدیلر. اۉلکه امنیتی باتور کوچلری هربیری قهرمانلیک و رشادتینی آلقیشلب و اولرنینگ قهرمانلیکلری و فداکارلیکلری قدرینی بیله‌میز.
اۉلکه امنیتی کوچلری شهیدلری عایله‌لری اینقیسه حرمتلی جنرال ظاهر عظیمی عایله‌لریگه اۉز تسلیت و قیغوداشلیگیمیزنی اظهار اېتییش یانیده اۉلکه آتلی و گمنام قهرمانلری روحلریگه دعا قیله‌میز.
دکتور عبدالله عبدالله
ملی مصالحه عالی کېنگشی رییسی
